अछाम । अछामको मङ्गलसेन नगरपालिकालाई जिल्लाको चौथो पालिकाको रुपमा पूर्ण साक्षर घोषणा गरिएको छ ।
नगरभित्रका १४ वटै वडापूर्ण साक्षर घोषणा भईसकेपछि नगर भित्रको १५ देखि ६० वर्ष उमेरको २० हजार ७ जनसङ्ख्या अर्थात नगरमा ९७ प्रतिशत साक्षर भएपछि प्रतिनिधि सभा सदस्य यज्ञबहादुर बोगटीले मङ्गलसेन नगरपालिकालाई एक कार्यक्रमका बीच पूर्ण साक्षर भएको घोषणा गर्नु भएको हो ।
नगरभित्रको १५ देखि ६० वर्ष उमेरको २० हजार ७ जनसङ्ख्या साक्षर रहेकोमा सामान्य लेखपढ जान्ने ११ हजार १ सय ७५, कक्षा ५ उत्तिर्ण गरेका ५ हजार ९ सय ४९ र कक्षा ८ उत्तिर्ण गरेका ३ हजार ५ सय ९६ रहेको नगर प्रमुख पदमबहादुर बोहराले बताउनुभयो ।
नगरमा बाँकी साक्षर हुन महिला ४ सय ७३ र पुरुष १ सय ६७ गरि जम्मा ६ सय ४० जनसख्यालाई छिट्टै साक्षर बनाइने प्रमुख बोहराले बताउनुभयो ।
प्रकाशित मिति: मंगलबार, माघ ७, २०७६
