काठमाडौं । मृर्गौला प्रत्यारोपणकालागि प्रधानमन्त्री केपी शर्मा ओलीको शल्यक्रिया भइरहेको छ । त्रिभुवन विश्वविद्यालय शिक्षण अस्पताल महाराजगञ्जको अप्रेसन थिएटर चिकित्सकको टोलीले मिर्गौला प्रत्यारोपण गरिरहेको छ ।
प्रधानमन्त्रीलाई बिहान १० बजे अपरेशन थिएटरमा लगिएको छ । पाँच घन्टामा प्रत्यारोपणको काम सकिनेछ ।
प्रधानमन्त्री ओलीको पहिलोपटक मिर्गौला प्रत्यारोपण गरेका भारतीय चिकित्सक प्रा.डा. अनन्तकुमार पनि काठमाडौं आइपुग्नु भएको छ ।
दोस्रोपटक मिर्गौला प्रत्यारोपणका लागि प्रधानमन्त्री ओली सोमवार अस्पताल भर्ना हुन भएको थियो ।
अप्रेसन थिएटरमा प्रधानमन्त्री ओलीको मृर्गौला प्रत्यारोपणको काम भइरहेको छ । बाहिर अस्पताल परिसमा स्वास्थ्यलाभको कामना गर्दै ठूलो संख्यामा नेकपाका कार्यकर्ता, सर्वसाधारण भेला भएका छन् ।
हरेकले भित्र के भइरहेको छ ? भन्ने चासो राखिरहेका छन् । नेकपाको कोही नेता, परिवारका कुनै सदस्य भित्रबाट बाहिर आयोकी खबर सुन्न उतैतिर दौड चलिरहको छ ।
‘गेट वेल सुन पीएम’ ‘गेट वेल सुन प्राइममिनिस्टर’, ‘प्रधानमन्त्री ओलीको मिर्गौला प्रत्यारोपण सफल होस्’ लगायतका प्लेकार्ड, ब्यानर र तस्बिरसहित नेता, कार्यकर्ता स्वास्थ्यलाभको कामना गर्दै उत्सुक भएर बाहिर लहरै बसिरहेका छन् ।
सामाजिक सञ्जालमा समेत ठूलो संख्यामा सर्वसाधारणले प्रधानमन्त्रीको स्वास्थ्यलाभको कामना गरिरहेका छन्।
प्रधानमन्त्रीको स्वास्थ्यलाभको कामना गर्दै पशुपतिनाथमा बिषेश पूजापाठ पनि गरिएको छ ।
पसुपति बिकास कोषका कोषाध्यक्ष डा. मिलनकुमार थापाले प्रधानमन्त्रीको स्वास्थ्यलाभको कामना सहित पशुपतिनाथमा आज पहिलो प्रहरको पुजा पाठ गराएका हुन् ।
प्रकाशित मिति: बुधबार, फागुन २१, २०७६
