काठमाडौं । भोली देखि सञ्चालन हुने भनिएको माध्यमिक शिक्षा परीक्षा एसईई स्थगित भएको छ । कोभिड १९ को खतरालाइ मध्यनजर गर्दै एसइइ परीक्षा स्थगित गर्ने निर्णय गरेको कोभिड १९ रोकथाम तथा नियन्त्रण उच्च स्तरीय समितिका संयोजक समेत रहनुभएका उपप्रधान तथा रक्षामन्त्री इश्वर पोखरेलले सीआईएनलाइ जानकारी दिनुभयो ।
सीआईएनसंग कुरा गर्दै मन्त्री पोखरेलले परिस्थितिलाइ मध्यनजर गर्दै परीक्षा स्थगित गर्ने निर्णय भएको जानकारी दिनुभयो । अर्को निर्णय नहुँदा सम्म परीक्षा स्थगित भएको उहाँले जानकारी दिनुभयो ।
कोभिड १९ रोकथाम तथा नियन्त्रण उच्च स्तरीय समितिले एसइइ रोक्ने निर्णय गरेको हो । सरकारले यसअघि आजै एसईई परीक्षा नरोक्ने तर सबै परीक्षा केन्द्रमा हेल्थ डेस्क राख्ने निर्णय गरेको थियो ।
प्रकाशित मिति: बुधबार, चैत ५, २०७६, १९:१४
