काठमाडौं । नेपाल एयरलाइन्सको विमान नेपालगञ्ज विमानस्थलमा दुर्घटनामा परेको छ । कोरोना भाइरसको सम्भावित संक्रमितको नमुना लिन काठमाडौंबाट गएको गएको वाइ १२ जहाज अवतरणका क्रममा दुर्घटनामा परेको हो । रनवे नजिकै चिप्लिएर घाँसे मैदानमा पुगेको नेपाल एयरलाइन्सले जनाएको छ ।
दुर्घटनामा मानवीय क्षति भने भएको छैन । विमानमा चालकदलका तीन सदस्य र दुई चिकित्सक थिए । सबै सुरक्षित छन । विमानमा सामान्य क्षति भएको छ ।
अब नेपालगञ्जमा कोरोना भाइरसको सम्भावित संक्रमितको नमुना लिन अर्को विमान पठाउने तयारी छ । सरकारले नेपालगञ्ज र बिराटनगरमा कोरोना भाइरसको सम्भावित संक्रमितको नमुना लिन हवाइजहाज पठाउने तयारी गरेको छ ।
प्रकाशित मिति: शनिबार, चैत १५, २०७६, १२:३६
