काठमाडौ । सरकारविरुद्ध खबरदारी र पार्र्टी संगठन सुदृढीकरणका लागि भन्दै प्रमुख प्रतिपक्षी दल कांग्रेसले देशभर एकसाथ राष्ट्रिय जागरण अभियान सुरु गरेको छ । देशका ७७ र बाहिरका ३३ मुलुकमा चलाईने छ ।
हिमाल, पहाड, तराई–मधेस नेपाली कांग्रेस राष्ट्रिय जागरण अभियान नाम दिइएको अभियान तीन चरणमा वर्षभरि चल्नेछ । वर्षभरी नै सरकारले गरेका कमजोरीलाई अभियान मार्फत जनताका बिचमा लैजाने तयारी छ ।
पार्टी नीति, कार्यक्रम र संशोधित विधानको बहस अभियानको मुख्य एजेण्डा बनाएको कांग्रेस अब सरकार विरुद्ध पनि उभिने भएको छ । संसदमा प्रधानमन्त्रीले जवाफ दिनेक्रममा बोलेको भाषा र सभामुखको भूमिका पनि मुख्य एजेण्डामा नै मिसिएको छ । काठमाण्डुसहित देशभरी अभियान सुरु हुँदा नेताहरुका भाषणले पनि त्यसलाई पुष्टि गरेको छ ।
हिमाल, पहाड, तराई–मधेस नेपाली कांग्रेस राष्ट्रिय जागरण अभियान नाम दिइएको अभियान तीन चरणमा वर्षभरि चल्नेछ । वर्षभरी नै सरकारले गरेका कमजोरीलाई अभियान मार्फत जनताका बिचमा लैजाने तयारी छ । सांसद एवं संसदीय दलको प्रमुख सचेतक बालकृष्ण खाँडले सदन र सडकमा कांग्रेसले खेल्ने भूमीका पनि जागरण अभियानसँगै जोडिने बताउनुभयो ।
उहाँले प्रधानमन्त्री र सभामुखले सदनमा गर्नुभएको प्रस्तुति सरकारभन्दा पनि पार्टी केन्द्रित भएको र त्यसबारे जनतालाई जानकारी गराउने उदेश्यका साथ अभियान थालिएको बताउनुभयो ।
उहाँले भन्नुभयो, ‘लोकतन्त्र जोगाउन र सरकारले गरेको कमजोरीबारे जनतालाई जागरुक गराउन अभियानले महत्वपूर्ण भूमिका निर्वाह गर्नेछ ।’
अभियानका सहभागि सांसदहरुले भने अवरोधका बिच नीति तथा कार्यक्रम पारित हुनलाई एजेण्डा बनाउने छन् । कांग्रेस सांसद डा.डिला संग्रौलाले प्रतिपक्षीको भूमिका र सरकारको भूमिका कस्तो हुन्छ भन्नेबारे सभामुख र प्रधानमन्त्रीले विर्सनुभएकोले त्यसलाई बुझाउन पनि यो अभियानले सघाउने बताउनुभयो ।
नेपाली राजनीतिमा एकै स्वरूपको पहिलो कार्यक्रमको रूपमा रहेको दावी गरिएको अभियानमा महिलाकै विरोधपछि एकजना महिला वक्ता अनिवार्य गरिएको छ । पार्टी सुधार र दलभित्रको अन्तरविरोध अन्त्य गर्न अभियान तय गरेपनि पहिलो चरण सरकार विरुद्ध देखिनेछ ।
प्रकाशित मिति: बिहीबार, वैशाख २६, २०७६, ०७:५८
