दिउँसो चर्को घाम, राती खुल्ला आकाश मुनीको बास । बाल बच्चा र वृद्धवृद्धा विरामी पर्न थालेका छन् । गोदावरीका महिन्द्रादेवी चौधरी झाडापखालाले सताउन थालेको बताउनुहन्छ ।
कैलाली । कैलालीका हावाहुरी प्रभावितले प्रदेश सरकारबाट कुनै राहत नपाएको गुनासो गरेका छन् ।
हावाहुरीका कारण जिल्लाका अधिकांश क्षेत्रमा अहिले पनि विद्युत सुचारु भएको छैन । घरको छाना उडाएका कारण अन्नपात र लत्ता कपडा भिजेर काम नलाग्ने भएको छ । हावाहुरी प्रभावितको दैनिक कष्टपूर्ण बनेको छ ।
तर उनिहरुले प्रदेश सरकारले घोषणा गरेको राहत त पाएका छैनन् नै, त्रिपाल समेत नभएर खुल्ला आकाशमुनीको बास भएको छ । धनगढीका अमर बहादुर सार्की सरकारको उपस्थिति नदेखिएको गुनासो गर्नुहुन्छ । स्थानीय सरकारले हावाहुरी प्रभावितको लगत संकलन गर्ने काम गरिरहेको छ ।
दिउँसो चर्को घाम, राती खुल्ला आकाश मुनीको बास । बाल बच्चा र वृद्धवृद्धा विरामी पर्न थालेका छन् । गोदावरीका महिन्द्रादेवी चौधरी झाडापखालाले सताउन थालेको बताउनुहन्छ । प्रदेशको राजधानी धनगढी सबैभन्दा बढी प्रभावित बनेको छ । त्यहाँ मुख्यमत्री कार्यालय सहित अन्य ६ वटा मन्त्रालय छन् । तर पीडित भने सरकारको अनुभुति नभएको गुनासो गर्छन् ।
सुदुरपश्चिम प्रदेश सरकारका प्रवक्ता एवम् आन्तरिक मामिला तथा कानुनमन्त्री प्रकाश बहादुर शाहले हुरी प्रभावितलाई प्रदेश सरकारले सहयोग गरिरहेको बताउनुभयो ।
जनताको नजिकको स्थानीय सरकारले पीडितको तथ्याङ्क संकलन गर्ने भन्दा अरु काम गर्न भ्याएको छैन । हावाहुरीले घरबास भत्काएको एक हप्ता बित्दा पनि प्रभावितहरु त्रिपालकै प्रतिक्षामा छन् ।
सुदुरपश्चिम प्रदेश सरकारका प्रवक्ता एवम् आन्तरिक मामिला तथा कानुनमन्त्री प्रकाश बहादुर शाहले हुरी प्रभावितलाई प्रदेश सरकारले सहयोग गरिरहेको बताउनुभयो । उहाँले तत्काल राहत देखि हुरी प्रभावितको घर बनाउनेसम्मका काममा प्रदेश सरकार लागेको दाबी गर्नुभयो ।
जेठ २३ गतेको हावाहुरीमा परी कैलालीको टीकापुरका लहानु चौधरी र गोदावरी नगरपालिका मझगाउँका वीरबहादुर चौधरीको मृत्यु भएको थियो । मृतकका परिवारलाई टीकापुर नगरपालिकाले २५ हजार र अण्डा व्यवसायी संघले ५० हजार सहयोग गरेका छन् ।
प्रदेश सरकारले डेढ लाख दिने घोषणा गरेको छ तर अझै उपलब्ध गराएको छैन । हावाहुरीले कैलालीमा २ हजार घरको छाना उडाएको थियो भने हजारौं मानिस प्रभावित भएका थिए ।
प्रकाशित मिति: बिहीबार, जेठ ३०, २०७६, ०९:१३
