मकवानपुर ।
प्रदेश नम्बर तीनका १३ जिल्लाका २० विद्यालयमा लागू भएको एक विद्यालय एक नर्स कार्यक्रम मकवानपवुरमा प्रभावकारी देखिएको छ । राष्ट्रिय माध्यामिक विद्यालय कक्षा ७ मा अध्ययनरत सुजता दाहाल विद्यालयमा नर्स आएपछि निकै सजिलो भएको बताउनुहुन्छ ।
उहाँले भन्नुभयो, ‘टाउको दुख्ने वा गल्स समस्या हुनेबित्तिकै घर पठाइदिनु हुन्थ्यो, अहिले त नर्सको कोठामा जाऊ नर्सले हेर्नुहुन्छ भन्नुहुन्छ । प्याड पाइन्छ स्कुलमै । पहिला विद्यार्थीले पैसा उठाएर प्याड किन्थ्यौं, अहिले त नर्सकै सहयोगमा प्याड पाइएको छ ।’
पहिला बिरामी भएपछि विद्यालयले घर पठाइदिने गरेको तर विद्यालयमा नर्स आएपछि सरसफाइ, महिनावारी लगाएत अन्य स्वास्थ्यसँग जोडिएका विषयमा समस्या नभएको विद्यार्थीहरु बताउँछन् ।
विद्यालयमा नर्सको व्यवस्था भएपछि विद्यार्थीहरु लाभान्वित भएका छन् । प्रदेश तीन सरकारले १३ जिल्लाका २० विद्यालयमा यो कार्यक्रम सुरु गरेको हो । जसअन्तर्गत हेटौडामा रहेको आधुनिक माध्यामिक विद्यालय र बकैयामा रहेको महेन्द्र माध्यामिक विद्यालयमा यो कार्यक्रम सञ्चालन भइरहेको छ ।
पहिला बिरामी भएपछि विद्यालयले घर पठाइदिने गरेको तर विद्यालयमा नर्स आएपछि सरसफाइ, महिनावारी लगाएत अन्य स्वास्थ्यसँग जोडिएका विषयमा समस्या नभएको विद्यार्थीहरु बताउँछन् ।
आधुनिक राष्ट्रिय माविका प्रधानाध्यापक विर बंश बैठा विद्यालयमा नर्स कार्यक्रम लागू भएपछि निकै राम्रो भएको बताउनुहुन्छ । बैठाले भन्नुभयो, ‘विद्यालयमा विद्यार्थीको संख्या धेरै भएकोले समस्या पनि धेरै आउँथ्यो पहिला । अहिले पनि आउँछ तर पहिलाभन्दा अहिले धेरै सुधार भएको छ ।’
उहाँले अगाडी थप्नुभयो, ‘पहिला विद्यार्थी बिरामी भए घर पठाइदिने गरेका थियौं तर अहिले त पहिलो घण्टीदेखि नै विद्यार्थीहरु केही समस्या देखिए नर्सलाई भेट्न जान्छन् ।’
नर्स करुणा श्रेष्ठका अनुसार दैनिक ३५ जनासम्म विद्यार्थीले स्वास्थ्य परामर्श लिने गरेका छन् । श्रैष्ठले भन्नुभयो, ‘विद्यार्थीको ड्रेसहरु हेछौं, नङ काटेका छन् कि छैनन् हेछौं र काटेका रहेनछन् भने काट्न पठाउँछौं । खाजा हेछौं, बजारका खानेकुरा ल्याएका छन् कि छैनन् भनेर । जंक फुड नखानको लागि प्रोत्साहन गछौं, त्यससम्बन्धी भिडियोहरु देखाउँछौ ।’
विद्यालयमा नर्सको व्यवस्था भएपछि विद्यार्थीहरु लाभान्वित भएका छन् । प्रदेश तीन सरकारले १३ जिल्लाका २० विद्यालयमा यो कार्यक्रम सुरु गरेको हो । जसअन्तर्गत हेटौडामा रहेको आधुनिक माध्यामिक विद्यालय र बकैयामा रहेको महेन्द्र माध्यामिक विद्यालयमा यो कार्यक्रम सञ्चालन भइरहेको छ ।
महेन्द्र माविका प्रधानाध्यापक नारायणप्रसाद चापागाईं नर्स राखेपछि विद्यार्थीको खानपानको शैली पनि फेरिएको बताउनुहुन्छ ।
कार्यक्रमको प्रभावकारिताको आधारमा अन्य विद्यालयहरुमा पनि बिस्तार गरिने प्रदेश नम्बर तीन, सामाजिक विकास मन्त्रालय अन्तर्गत स्वास्थ्य शाखाका प्रमुख सतिस विष्टले बताउनुभयो ।
विद्यालयमा नर्सको व्यवस्था भएपछि विद्यार्थीको स्वास्थ्यमा सुधार हुने विश्वास अभिभावक र शिक्षकहरुको छ ।
प्रकाशित मिति: आइतबार, चैत १७, २०७५, ०९:१८
